Chelsea - Man Utd í dag.

Í dag mæta mínir menn á Brúnna og freista þess að gera út um Ensku deildarkeppnina í ár. Til að það takist verða þeir að hirða öll þrjú stigin sem er nú hægara sagt en gert. Chelsea hefur ekki tapað síðustu 80 heimaleikjum á Brúnni eða síðan í febrúar 2004 og er það bara fáránlegt met.

Sir Alex getur sennilega stillt upp sínu sterkasta liði í leiknum en Vidic er búinn að jafna sig af magaverkjunum sem hann fékk í Barcelona. Það er nú samt líklegt að hann geri nokkrar breytingar síðan í vikunni, það er stórleikur á þriðjudaginn í meistaradeildinni og hann hefur nóga breidd til að gera breytingar. Chelasea leikur án Lampards sem er þó nokkur blóðtaka fyrir þá í stórleik sem þessum.

Chelsea hefur einungis tapað tveimur leikjum á tímabilinu og annar þeirra var á móti Man Utd á Old Trafford. Það er oft talað um að sumir stjórar geti ekki unnið aðra stjóra og tapi alltaf eða séu í miklum vandræðum með þá. T.d. virðist Ferguson ekki geta unnið Erikson og hefur alltaf átt erfitt með Mourinho. Það væri nú óskandi ef Ferguson stæði nú dálítið í Grant en það er kannski aðeins of snemmt að spá um það núna.

Þetta verður allavega spennandi leikur og ég bara krossa fingur og vona það besta, þótt að tölfræðin sé nú öll með Chelsea  

Chelsea ósigrað á heimavelli í 80 leikjum í röð

Svíar eru alltaf jafn frábærir

Upptaka af ummælum Láru Ómarsdóttur fréttakonu

Lára Ómarsdóttir fréttakona á Stöð 2 varð uppvísa af því á miðvikudaginn að vilja fá fólk til að kasta eggjum í átt að lögreglu fyrir beina útsendingu þegar mótmæli vörubílsstjóra stóðu sem hæðst . Samtal hennar við tæknimann sinn náðist á hljóðupptöku án þess að hún vissi. Núna hefur hún reynt að gera lítið úr þessum ummælum sínum og seigir þetta bara hafa verið grín. Þegar maður hlustar á ÞETTA er erfitt að heyra að um grín hafi verið að ræða.

Yfirlýsing frá Láru Ómarsdóttur

"Ég þekki þennan mann ekki neitt, veit ekkert hver þetta er. Bara einhver vegfarandi!"

Sturla: „Ekki á okkar ábyrgð"

Það er spurning hvort dollan fari í þennan

Kvennalið Arsenal eru Englandsmeistarar fimmta árið í röð eftir að  hafa sigrað  Chelsea 4-1. Kvennaliði hefur þá enn og aftur haldið merkjum Arsenal uppi og séð til þess að árið verði ekki titlalaust. Ég rakst á þessa mynd á netinu um daginn og hef hana hérna með, fannst hún frekar fyndin. Maður verður nú að hafa svolítið gaman af þessu.

 

 

Arsenal Englandsmeistari

Móðir Frank Lampard látin

Ég var að lesa það á visir.is að móðir Lampard væri látin. Lampard missti af tveimur leikjum í röð vegna veikinda móður sinnar en mætti síðan til leiks gegn Liverpool í meistaradeildinni í vikunni. Hafði móður hans þá sýnt góðan bata og allt leit vel út. Síðan kom bakslag á bataveginn og hún lést af veikindum sínum aðeins 58 ára að aldri.

Talið er að Lampard verði ekki með gegn Manchester United um helgina en það er stórt skarð í lið Chelsea í þessum mikilvæga leik. Það er alltaf sorglegt þegar svona fjölskylduharmleikur verður og vona ég að Lampard komi fljótt aftur til leiks.

Erfiðasta vika í lífi Lampards

Man Utd hélt hreinu í Barcelona

Það er ekki hægt að segja annað en að ég sé mjög feginn að þessum leik sé lokið. Fyrr í vetur var ég bara sáttur við að fá Barca og bara fannst þetta vera eitthvað formatriði að klára. Þegar fór síðan að líða að leik fór ég að stressast upp og átti ég bara erfitt með mig seinnipartinn í gær.

Þetta byrjaði samt mjög vel, United kemst strax í sókn, fær aukaspyrnu, horn og svo víti. En Ronaldo klúðraði vítinu og hleypti þetta allt saman illu blóði í Barcelona menn og pressan hófst. Barcelona átti miðjuna og hélt boltanum vel. Pressuðu vörn United, spiluðu voða flottan bolta og sýndu alveg að þeir kunna fótbolta. En þeir voru ekki að skapa sér nein færi í leiknum og fengu aldrei dauðafæri til að setja boltann í markið. Tvö bestu  færi leiksins voru Manchester United manna Ronaldo úr víti og Carrick en hann skaut í hliðarnetið eftir að hafa komist einn á móti markmanni í þraungri stöðu. Eina skiptið sem Van der Saar þurfti að taka á því var í lok seinni hálfleiks þegar Henry átti langskot beint á hann en það var bara svo fast að Van der Saar náði ekki að halda boltanum og sló hann til hliðar.

Það sem er gott við þetta er að hafa ekki tapað leiknum þótt að það hefði verið betra að setja eitt útivallarmark. Nú verður bara að vinnast sigur á Old Trafford og ekkert annað. Þeir eru nú komnir það nálægt úrslitaleiknum að þeir bara meiga ekki klúðra þessu  

Ferguson: Gerðum þetta fagmannlega - Vidic tæpur fyrir Chelsea leikinn

Match Day

Þá er miðvikudagurinn runnin upp bjartur og fagur, tilvalinn til knattspyrnuiðkunar. Ég er svo spenntur fyrir kvöldinu að ég veit eiginlega ekki hvort ég nái að halda einbeitingunni yfir námsbókunum í dag en ég verð að reyna.

Þetta verður svaka leikur og það er gjörsamlega ómögulegt fyrir mig að spá fyrir um úrslitin en ég vona bara að Man Utd nái að tefla fram sínu sterkasta liði. Það er númer eitt, tvö og þrjú að halda markinu hreinu. Allavega ekki hleypa Barcelona meira en einu marki á undan inn í næsta leik því þá verður þetta fyrst erfitt. Nú mæðir á vörn og marki. Menn eins og Ronald og Rooney verða að einnig rísa upp og sína sitt allra besta. Ég bíst við að Giggs og Scholes byrji þennan leik og ég bara vona að þeir spili betur en þeir hafa verið að gera.

þetta er alvöru og alltof mikið undir til að klúðra þessu. Einn stærsti úrslitaleikur til margra ára í meistaradeildinni gæti verið í aðsigi milli tveggja enskra liða en það veltur allt á Man Utd.

Ég reikna með að vera í góðra vina hópi að horfa á leikinn og það er vonandi að það verði kátt í höllinni. 

Ferguson vill skrifa nýjan kafla í sögu United

Hin einfætti Riise

Ég sé ekki eftir þeirri skyndiákvörðun að horfa á leik Liverpool og Chelsea í meistaradeildinni. Ég ætlaði bara að halda áfram að læra og fylgjast með á netinu en lét freistast og fór með strákunum á Classic Rokk. Það var svakaleg spenna í loftinu og þegar flautað var til leiks var alveg dauðaþögn inni á staðnum.  

Leikurinn kom mér svolítið á óvart þar sem hann var mun skemmtilegri og opnari en ég bjóst við. Liverpool voru yfir í hálfleik eins og ég var búinn að reikna með og í seinni hálfleik bjóst ég við að Liverpool myndi bara klára þetta. En hin einfætti John Arne Riise tryggði Chelsea jafntefli með seinustu snertingu leiksins. Í staðinn fyrir að sparka boltanum í burtu með hægri reynir hann að bjarga í horn með skalla en það vill ekki betur til en að boltinn fer markið. Chelsea í lykilstöðu fyrir seinni leikinn og ég reikna fastlega með því að ég horfi á hann. 

Riise skoraði sjálfsmark og tryggði Chelsea jafntefli

Meistaradeildin!!!

Þá er loksins komið að því, Meistaradeildin heldur áfram og það er komið að undanúrslitum. Ég er nú ekki alveg jafn spenntu fyrir leik Liverpool og Chelsea í kvöld og ég er fyrir leiknum á morgun. En þetta er samt meistaradeildin og hún er alltaf skemmtileg.

Til að gera kvöldið meira spennandi fyrir mig þá ákvað ég að tippa á leikinn og setti pening undir heimasigur Liverpool. Ég hef mjög sterka tilfinningu um að Liverpool taki þetta eftir að þeir eru nánast búnir að tryggja sér fjórða sætið heima fyrir. Meistaradeildin er það eina sem þeir hafa að keppa að núna og ekki skemmir fyrir góður árangur þeirra síðustu ár.

Þetta er í fjórða skiptið á jafnmörgum árum sem félagarnir Gerrard og Terry mætast með liðin sín í þessari keppni og hefur Gerrard vinninginn þar sem af er. Það er nokkuð víst að Terry ætlar ekkert að gefa neitt í ár og er orðinn frekar pirraður á þessu. Mín skoðun er hinsvegar sú að hann þurfi að bíða lengur eftir þeim langþráða sigri. Anfield verður of stór biti fyrir Chelsea og má búast við að þar verði allt á suðu punkti í kvöld.

Gerrard: Okkar lið gefst aldrei upp