Everton tekur stig af Chelsea í kvöld?

Ég held að það sé nokkurn vegin á hreinu að Man Utd menn eiga eftir að styðja Everton og Liverpool menn eiga eftir að styðja Chelsea í kvöld.  Það er mikið undir fyrir bæði Everton og Chelsea þar sem þau eru bæði að berjast á toppnum, annað við Man Utd um topp sætið og hitt um meistaradeildar sæti við Liverpool. Ég held nú samt að það þurfi mikið að gerast til að Everton nái Liverpool eins og Liverpool er að spila þessa dagana.

Ég gæti trúað að leikurinn á þriðjudaginn nk. á móti Liverpool eigi eftir að sitja í Chelsea mönnum í kvöld og þeir eiga eftir að tapa stigum.  Everton hefur aftur á móti bara að fjórða sætinu að keppa og hafa hugann 100% við þennan leik. Þetta eru kannski bara draumórar í mér, ég veit ekki.

Everton liðið er vængbrotið á miðjunni þegar vantar Osman og Arteta en það er töluverð blóðtaka. Það hefur ekki jafn mikil áhrif á Chelsea þegar vantar Lampard og Drogba þar sem þeir eru með töluvert breiðari hóp, þótt að það sé svo sannarlega slæm tíðindi fyrir þá.

Ég mun alla veganna fylgjast með þessum leik með öðru auganu og vona það besta, nú ef það fer illa þá treysti ég alveg mínum mönnum til að klára þetta

Tekst Chelsea að saxa á forskot Man Utd?

Vaka lætur verkin tala og fer alla leið

Það er gaman að vera hluti af svo öflugu og framtaksömu fólki eins og Vaka, félag lýðræðissinnaðra stúdenta, er í raun. Frá því frumvarp um opinbera háskóla var lagt fram hefur sérstakur hópur innan Vöku leigið yfir því til að taka það sem gott er og það sem betur mætti fara, allt með hagsmuni stúdenta fyrir brjósti.

Úr því varð greinagerð sem er félaginu til mikils sóma. Það má sjá á þessu að Vaka er ávallt með puttann á púlsinum og sefur aldrei á verðinum í hagsmunabaráttu stúdenta. Með Kristján Frey Kristjánsson oddvita Vöku fremstan í flokki höfum við leitt þessa umræðu fyrir hönd stúdenta með glæsibrag.

Baráttan heldur áfram á morgun en þá verður málþing um frumvarpið klukkan 11 í stofu 101 í Háskólatorgi þar má fastlega búast við skemmtilegum og fróðlegum umræðum þingmanna og stúdenta.

Framsögufólk er eftirfarandi:

Sigurður Kári Kristjánsson, formaður menntamálanefndar Alþingis
Katrín Júlíusdóttir, menntamálanefnd Alþingis
Katrín Jakobsdóttir, menntamálanefnd Alþingis
Höskuldur Þórhallsson, menntamálanefnd Alþingis
Jón Magnússon, menntamálanefnd Alþingis
Kristján Freyr Kristjánsson, fjármálanefnd Stúdentaráðs

 

 

 

Harma tillögur um að fækka fulltrúum stúdenta í háskólaráði

Þetta verður alveg svakalegt

Ég verð nú að viðurkenna að maður er orðinn frekar spenntur fyrir þessum leikjum milli Man.Utd og Barcelona í meistaradeildinni, og það bara eykst með hverjum deginum. Ég held það sé alveg á tæru að þessir leikir verða hin besta skemmtun og ómögulegt að segja til um úrslitin. Það er alveg satt sem Eiður seigir að sennilega verður það dagsformið sem ræður úrslitum ef liðin ná að stilla upp sínum sterkustu liðum.

Ætla að rifja hérna upp leik milli þessara liða í meistaradeildinni frá riðlakeppninni tímabilið 98-99. Það væri ekki slæmt að fá svona leik á Nou Camp þótt ég vonist nú auðvitað eftir sigri.

 

 

Eiður Smári: Verðum að spila okkar bestu leiki til að slá Man Utd út

Ályktun Vöku vegna frumvarps til laga um opinbera háskóla

Vaka félag lýðræðissinnaðra stúdenta hefur sent frá sér eftirfarandi ályktun vegna frumvarps til laga um opinbera háskóla.

,,Vaka, félag lýðræðissinnaðra stúdenta, harmar að nýtt frumvarp til laga um opinbera háskóla feli í sér fækkun fulltrúa stúdenta í háskólaráði.

Háskólasamfélagið samþykkti nýlega að fulltrúar stúdenta í háskólaráði yrðu tveir, Einnig var samþykkt að stúdentar fengju seturétt í öllum helstu nefndum, og var þar miðað við fimmtung setufulltrúa. Með þessari breytingu á skipan háskólaráðs fækkar fulltrúum nemenda úr tveimur af tíu niður í einn af sjö, eða úr 20% nefndarmanna niður í 14.3%.

Um 80% þeirra sem starfa innan veggja Háskóla Íslands eru stúdentar, og telur Vaka því eðlilegt að fulltrúar þeirra hafi raunverulegt vægi á æðstu stjórnunarstigum skólans.

Vaka leggur til að háskólaráð verði framvegis skipað átta fulltrúum; tveimur frá stúdentum, tveimur frá háskólasamfélaginu, tveimur frá menntamálaráðuneytinu og tveimur völdum af þeim fulltrúum sem fyrir eru í háskólaráði.

Vaka harmar einnig að í frumvarpinu sé háskólaráði veitt það lögformlega hlutverk að koma með tillögur um hækkun skrásetningargjalda við Háskóla Íslands, enda eru skrásetningargjöld ekkert annað en skólagjöld að mati Vöku.

Vaka fagnar því að löggjafinn boði breytingar sem félagið hefur lengi barist fyrir, til að mynda skilvirkari stjórnsýslu, faglegri ráðningum deildarforseta og fleiri breytingum sem frumvarpið felur í sér.

Vaka hvetur ráðamenn þjóðarinnar að vanda til verka við afgreiðslu frumvarpsins.”

Auk ályktunarinnar hefur vaka sent öllum þingmönnum, menntamálanefnd, fjölmiðlum o.fl skýrslu sem dugmiklir vökuliðar hafa unnið að undanfarna daga. Skýrsluna má nálgast HÉR

Besta miðvarðapar Englands að sameinast á ný

Það eru gleðifréttir fyrir ManUtd. menn að Nemanja Vidic skuli vera að snúa aftur eftir meiðsli. Það voru margir hræddir þegar hann meiddist á móti Roma að hann yrði frá út tímabilið og ManUtd. myndi lenda í sömu vandræðum og fyrir ári síðan þegar hann viðbeinsbrotnaði og náði sér ekki nógu vel á strik aftur á tímabilinu. Saman mynda þeir Vidic og Ferdinand sterkustu varnarmiðju á Englandi í dag, og ekki veitir af að hafa þá báða í lagi fyrir komandi átök.

 Stórskemmtilegur leikmaður sem hefur gaman af því að spila og er ekki með neitt kjaftæði.

 

 

Vidic byrjaður að æfa á ný

Arsenal hefði gott af því að losna við Lehmann

Ég ætla að vona Arsenal vegna að Jens Lehmann fari frá þeim í sumar. Held að hluti vandans að þeir hafi ekki getað haldið út í toppbaráttunni séu skemmd epli eins og Lehmann. Gomes væri mjög góður kostur fyrir Arsenal og mun sennilega styrkja liðið til muna.

 

Hérna er gott dæmi hvernig leikmaður Lehmann er.

Arsenal hefur augastað á Gomes

Kraftar Ferdinand vel þegnir

 

 

 

Hver man ekki eftir þessu. Rio er maðurinn og frábært að Manchester United eigi eftir að njóta krafta hans áfram. Held að það hafi aldrei verið spurning hvort hann myndi gera nýjan samning og nú lítur út fyrir að hann klári ferilinn á Old Trafford.

Ferdinand mun skrifa undir nýjan fimm ára samning

Essien afskrifar Manchester United í meistarabaráttunni

„Michael Essien leikmaður Chelsea hefur afskrifað Englandsmeistarar Manchester United í titilbaráttunni þetta tímabil. United hefur ekki byrjað jafn illa í 15 ár en þeir hafa tvo stig eftir þrjá leiki.  Essien var í viðtali við The Sun og hafði þetta að segja:

,, Við erum líklegastir til að vinna, auðvita ! Við erum bestir og sigur er það eina sem kemst að hjá okkur.  Þetta er bara mjög einfalt. Okkar markmið er að vinna og það er eina markmiðið okkur.  Það búast reyndar allir við því að við vinnum. Okkur er alveg sama hvernig Manchester United gengur það kemur okkur ekkert við. Ég held að þessi byrjun hjá þeim skiptu engu máli fyrir okkur það er sama pressan á okkur þrátt fyrir það.

Það eru lið sem hafa byrjað vel eins og Manchester City og við vanmetum ekkert lið en með okkar hugarfari þá förum við alla leið eins og það er að vinna þá. Þetta tímabil gæti verið þungt fyrir Manchester United en þeir eiga örugglega eftir að sparka frá sér. En við verðum bara að safna stigum og halda okkur vel frá liðum eins og United og öðrum sem gera tilkall til Englandsmeistarar titilsins,” sagði Essen með sjálfstraustið í lagi..“

 Þessi frétt birtist á gras.is 25. ágúst sl. eftir að ManUtd. hafði ekki byrjað sem best og hlakkaði í andstæðingunum. Ég verð nú að viðurkenna að ég var orðinn frekar svartsýnn, en það er bara gaman af því

Grant: Þetta er ekki búið

Maður Vikunnar!!!

Morgunblaðið 30. mars 2008

Lýðræðið virt að vettugi

 

Það fór varla fram hjá neinum að í síðasta mánuði voru kosningar til Stúdentaráðs Háskóla Íslands. Eftir margra vikna þrotlausa vinnu frambjóðenda við að koma málefnum fylkinganna tveggja, Vöku og Röskvu, á framfæri kusu stúdentar 6. og 7. febrúar sl. og voru úrslit kunngjörð aðfararnótt 8. febrúar. Vaka hlaut 1686 atkvæði og Röskva 1692 og hélt Röskva því naumlega meirihluta sínum í Stúdentaráði.

Spurningar vöknuðu meðal stúdenta og þá sérstaklega meðal fulltrúa og stuðningsmanna Vöku um það hvernig skipta ætti störfum Stúdentaráðs. Með tilliti til lítils munar milli fylkinga skiptist skólinn nánast hníf jafnt og væri því eðlilegt að stúdentar fengu að sjá þá fulltrúa sem þeir kusu taka virkan þátt og hafa áhrif innan Stúdentaráðs.

Vökuliðar biðu spenntir eftir fréttum frá Röskvu og vonuðu að þeir myndu fá umsjón með einhverjum nefndum til að koma sínum málefnum í framkvæmd. Staðreyndin er sú að Röskva hafði ekki samband við Vöku fyrir skiptafundinn heldur varð oddviti Vöku að hafa samband við Röskvu daginn fyrir til að athuga með skiptingu í nefndir. Fengust þá upplýsingar að skipting nefnda yrði með svipuðum hætti og starfsárið 2007–2008. Niðurstaðan var því sú að Röskva fengi meirihluta (3 af 5 fulltrúum) auk formanns í öllum sjö nefndum Stúdentaráðs. Einkennileg túlkun á lýðræðinu og lítill skilningur á vilja stúdenta er óhætt að segja.

Þetta stoppaði ekki okkur í Vöku, við höfðum unnið ötullega í kosningunum að smíðan sterkrar málefnaskrár sem við vildum hrinda í framkvæmd og sóttumst því eftir ýmsum trúnaðar- og ábyrgðarstöðum innan Stúdentaráðs til að auðvelda okkur að koma á framfæri þeim málefnum sem 49.91% stúdenta kusu. Kristján Freyr Kristjánsson, oddviti Vöku bauð sig fram til formanns Stúdentaráðs en Röskvuliðar kusu það strax niður án nokkurrar umræðu um hæfni hans eða getu til að gegna starfinu. Ingólfur Birgir Sigurgeirsson stúdentaráðsliði bauð sig fram sem fulltrúi stúdenta í stjórn LÍN en það var einnig kosið niður án minnstu umræðu og loks sóttist Anna Sigríður Hafliðadóttir eftir því að verða formaður alþjóðanefndar og var það einnig kosið niður.

Nýtt Stúdentaráð tók formlega við 21. febrúar sl. og er því ekki mánuður síðan ráðið tók til starfa en strax er augljóst að yfirlýsingar af hálfu meirihlutans um samstarf fylkinganna í Stúdentaráði eru einungis í orði en ekki á borði.

Það má þó segja að meirihluti Röskvu hafi farið yfir öll mörk þegar kom að því að ráða framkvæmdarstjóra Stúdentaráðs. Samkvæmt 57. og 64.gr. laga Stúdentaráðs skal sú ráðning vera byggð á faglegum grunni. Tveir sóttu um stöðuna, Atli Bjarnason Vöku og fulltrúi af framboðslista Röskvu. Það fór ekkert á milli mála þegar umsóknir þessara tveggja aðila voru lesnar yfir að Atli Bjarnason væri með mun betri grunn og reynslu til að gegna stöðu framkvæmdarstjóra heldur en mótframbjóðandi hans. Atli Bjarnason er á þriðja ári í viðskiptafræði og rak sitt eigið fyrirtæki á Akureyri í fjögur ár samhliða námi við Menntaskólann á Akureyri, þar sem hann tók einnig virkan þátt í félagslífi skólans og sat meðal annars í stjórn nemendafélagsins. Reynsla hans af stjórnun, bæði hvað varðar fjármál og einnig mannauðsstjórnun skipar honum stalli ofar en mótframbjóðanda hans. Það skal þó tekið fram að ekki er verið að gera lítið úr hæfni frambjóðenda Röskvu heldur viljum við benda á að með tilliti til starfsreynslu, forms umsóknar og menntunar teljum við að ekki hafi verið ráðið í þessa stöðu á faglegum grunni eins og lög gera ráð fyrir.

Undirrituð vonast til þess að aðstæður í Stúdentaráði þróist í þá átt að raunverulegt samstarf geti átt sér stað, enda annað óeðlilegt gagnvart stúdentum þar sem einungis 0.18% munur er á fylgi fylkinganna. Stúdentaráð er skipað 20 fulltrúum beggja fylkinga, en ekki einungis 11 fulltrúum meirihluta Röskvu. Sandkassaleikur og framapot sem fulltrúar Röskvu hafa ásakað Vöku um, og nú síðast í fjölmiðlum á lokaspretti kosningabaráttunnar er nú í hámarki, og lýðræðið innan stúdentapólitíkarinnar er fótum troðið. Þegar það virðist vera skilyrði að vera bundinn Röskvuböndum til að fá að gegna trúnaðarstörfum í hagsmunabaráttu stúdenta er gert lítið úr lýðræðinu og pólitískar ráðningar virðast eiga að koma ákveðnum vinveittum einstaklingum á framabraut.

Ingólfur Birgir Sigurgeirsson og Sigrún Ingibjörg Gísladóttir