Sumarannir við Háskóla Íslands

Þetta er glæsilegt framtak Háskólans í Reykjavík og vonandi að Háskóli Íslands muni fylgja þessu eftir með því að bjóða uppá sumarannir í sumar. Stúdentaráð Háskóla Íslands hefur undanfarnar vikur biðlað til yfirstjórnar Háskólans að bjóða uppá sumarannir og hefur sú vinna skilað ágætis árangri og er von okkar að Háskólinn muni koma til móts við nemendur sína þegar erfitt virðist vera að fá sumarvinnu. Eftirfararndi bréf var sent til Kristínar Ingólfsdóttir rektors frá Stúdentaráði í byrjun mars.

Stúdentaráð Háskóla Íslands hvetur rektor HÍ, Kristínu Ingólfsdóttur, til að endurvekja sumarannir við Háskólann. Í því efnahagsástandi sem nú stendur yfir er mikilvægt að huga að hagsmunum stúdenta. Nú þegar atvinnuhorfur Íslendinga eru svartar er ljóst að stór hluti þeirra 13.500 stúdenta sem stunda nám við Háskólann mun standa frammi fyrir atvinnuleysi næsta sumar. Háskóli Íslands, flaggskip íslenskra menntastofnana, getur komið til móts þetta fólk. Með sumarönnum við Háskóla Íslands væri atvinnulausum stúdentum gefinn kostur á að stunda nám yfir sumartímann og taka um leið sumarlán hjá Lánasjóði íslenskra námsmanna.

Stúdentaráð Háskóla Íslands hvetur rektor HÍ og önnur háskólayfirvöld til að sýna ábyrgð á erfiðum tímum og koma til móts við atvinnulausa stúdenta með sumarönnum við Háskóla Íslands.

F.h. Stúdentaráðs Háskóla Íslands
Hildur Björnsdóttir

 

Aukið námsframboð hjá HR í sumar

Menntamál verða að kosningamáli.

Stúdentaráð Háskóla Íslands leggur mikla áherslu á að menntamál verði gerð að kosningamáli í komandi alþingiskosningum. Stúdentaráð hefur útbúið yfirlýsingu sem send verður á alla stjórnmálaflokka til að vekja athygli á mikilvægi þess að hlúa að menntun til að byggja upp nýtt samfélag. Yfirlýsinguna má sjá hér.

"Þegar kreppir að eins og gert hefur hér á Íslandi síðustu mánuðum er alltaf hætta á að þeir sem minnst mega sín og  eru lægst launaðir verði hvað verst úti. Þetta á svo sannarlega við um stúdenta, sem ekki fengu að upplifa það góðæri sem ríkti hér á landi síðustu ár. Það er því óskiljanlegt að um leið og kreppir að og erfiðleikar koma upp í íslensku efnahagslífi þá skuli byrjað á því að skera niður í menntakerfinu.

Það er skýlaus krafa Stúdentaráðs Háskóla Íslands að stjórnmálaflokkar setji menntamál á oddinn í komandi kosningabaráttu og hlúi þar að námsmönnum sem framtíðar fjárfestingu í uppbyggingu íslensks samfélags. Það er mikið kappsmál á tímum sem þessum að tryggja fjármagn og samkeppnishæfni Háskóla Íslands. Með því móti getur  hann haldið áfram að vera í fararbroddi sem flaggskip íslenskrar menntunar.

Stúdentaráð hvetur einnig stjórnmálaflokka til að beita sér fyrir því að ríkisfjármunum sé betur forgangsraðað og auka þannig fjármagn til Lánasjóðs íslenskra námsmanna.  Með tilfærslu fjár frá Vinnumálastofnun til Lánasjóðsins er hægt að hvetja til aukinnar menntunar á arðbærari hátt. Mánaðarlegar greiðslur frá LÍN eru nú um 100.000 krónur en atvinnuleysisbætur voru um áramótin hækkaðar í 149.523 krónur á mánuði en þær þarf ekki að endurgreiða líkt og námslánin.

Næsta ár verður sérstaklega erfitt fyrir okkur stúdenta. Því er mikilvægara nú, en nokkru sinni fyrr, að reisa skjaldborg um Lánasjóðinn og tryggja honum það fjármagn sem þarf til að veita stúdentum viðunandi kjör. Þúsundir námsmanna eru á lánum frá LÍN. Þessi lán eru ein af undirstöðum jafnréttis til náms og fjárfesting ríkisins í LÍN skilar sér margfalt til baka í vel menntaða kynslóð, sem getur haldið áfram eflingu íslensks þjóðfélags.

 

Stúdentar á Íslandi eru um 20.000 talsins  og ætti það að vera mikið kappsmál fyrir hvern þann stjórnmálaflokk sem vill láta til sín taka að gera vel við þennan þjóðfélagshóp. Menntun er fjárfesting ríkis í auðlind sem tapar aldrei verðmæti sínu heldur vex með hverri krónu. Stúdentar kalla því eftir skýrri stefnu stjórnmálaflokkanna í menntamálum fyrir komandi kosningar því þetta snýst ekki bara um vinsældir eða peninga. Þetta snýst um framtíð Íslands og þess fólks sem mun erfa landið."

 

 

Langstærsti fundur VG

Yfirlýsing frá meirihluta stjórnar SHÍ

Vegna ítrekaðra yfirlýsinga Röskvu undanfarna daga er varða ráðningu nýs framkvæmdastjóra SHÍ telja fulltrúar Vöku, sem mynda meirihluti stjórnar SHÍ, sig knúna til að koma eftirfarandi á framfæri.

Þann 15. febrúar síðastliðinn birtist fyrsta auglýsing um starf framkvæmdastjóra SHÍ en skilafrestur umsókna rann út þann 27. febrúar síðastliðinn. Í auglýsingunni komu fram þau hæfisskilyrði sem meta skyldi umsækjendur eftir en þau skilyrði voru samþykkt einróma af fulltrúum beggja fylkinga í stjórn SHÍ. Voru skilyrðin eftirfarandi:

• Góð þekking, innsýn og áhugi á SHÍ og málefnum stúdenta
• Þekking og reynsla af fjármálum og bókhaldi
• Þekking á stjórnsýslu Háskóla Íslands
• Þekking á störfum Stúdentasjóðs
• Þekking og reynsla af skipulagningu stórviðburða
• Hæfileiki til að vinna með stúdentaráðsliðum, starfsmönnum skrifstofu SHÍ og öðrum hagsmunaðilum ráðsins
• Frumkvæði og geta til að starfa sjálfstætt

Einungis bárust þrjár umsóknir um stöðuna en tveir umsækjendanna báru þó af hvað varðar ofangreind hæfisskilyrði. Allir umsækjendur voru kallaðir til viðtals hjá stjórn SHÍ, en tekið skal fram að formaður ráðsins, Hildur Björnsdóttir, kom hvergi nálægt ráðningarferlinu vegna persónulegra tengsla við tvo af umsækjendunum. Báðir þessir einstaklingar hafa verið nafngreindir í yfirlýsingum Röskvu, en það eru þau Jóhann Már Helgason og Júlía Þorvaldsdóttir.

Að viðtölunum afstöðnum, og að teknu tilliti til ofangreindra hæfisskilyrða, var ljóst að tveir umsækjendanna voru taldir vel hæfir í starfið, þ.e. ofangreindir umsækjendur Jóhann Már og Júlía. Stóð því valið á milli þeirra. Til að fá úr því skorið hvort þeirra yrði fyrir valinu sem framkvæmdastjóri SHÍ þurftu því fleiri atriði að koma til skoðunar.

Þrjú atriði urðu til þess að Jóhann Már varð fyrir valinu umfram Júlíu. Þau atriði voru eftirfarandi:

1. Jóhann Már var eini umsækjandinn sem uppfyllti allar hæfiskröfur sem óskað var eftir með fullnægjandi hætti. Jóhann hefur góða bókhaldsþekkingu en hann var áður ráðinn framkvæmdastjóri garðyrkjufyrirtækis sem þá hafði starfað í þrjú ár. Jóhann hefur einnig afburða reynslu af störfum innan Háskólans og SHÍ en hann hefur setið í Stúdentaráði, hagsmunanefnd, samgönguráði, stjórn Politica og fleiri nefndum á vegum ráðsins. Einnig sat Jóhann í stórhátíðarnefnd sem stóð að skipulagningu Októberfest og nýnemadaganna sem eru stærstu stórviðburðirnir á vegum Stúdentaráðs og eru stór þáttur í árlegum rekstri ráðsins. Á síðastliðnu starfsári sat Jóhann í stjórn stúdentasjóðs en á degi hverjum kemur fjöldi fyrirspurna til skrifstofu SHÍ um störf sjóðsins og reglur hans. Þess skal getið að engar menntunarkröfur voru gerðar til starfsins. Að ofangreindu metnu varð að taka tillit til þeirrar afburða reynslu sem Jóhann hafði af störfum innan SHÍ.

2. Framkvæmdastjóri SHÍ getur starfsins vegna þurft að sitja stjórnarfundi Félagsstofnunar Stúdenta sem áheyrnarfulltrúi með málfrelsis og tillögurétt. Inn á þá fundi koma meðal annars ýmis trúnaðarmál er varða Félagsstofnun Stúdenta, en stofnunin er í ákveðinni samkeppni við Byggingarfélag Námsmanna. Júlía Þorvaldsdóttir situr í stjórn Byggingarfélags Námsmanna. Hér er um hagsmunaárekstur að ræða. Það er óheppilegt.

3. Jóhann Már gat hafið störf strax og var tilbúinn til að vinna mikla yfirvinnu launalaust. Aðspurð sagðist Júlía líklega geta losnað fljótlega úr starfi framkvæmdastjóra SKHÍ en hún þyrfti þó svigrúm til að sinna áfram verkefnum frá fyrra starfi. Hún kom með þá tillögu að annar hinna umsækjendanna myndi sinna starfi framkvæmastjóra SHÍ til 1. september en þá myndi hún taka við starfinu. Ráðið er til eins árs í stöðu framkvæmdastjóra SHÍ svo ráðningartímabilið yrði hálfnað er Júlía hæfi störf að fullu. Það er óheppilegt.

Að ofangreindu metnu var það niðurstaða meirihluta stjórnar SHÍ að Jóhann Már skyldi ráðinn í starf framkvæmdastjóra SHÍ. Sú staðreynd að Jóhann Már og formaður SHÍ eru í sambandi (en ekki sambúð) var tekin til greina en var ekki talin vinna gegn ráðningunni. Vaka, sem stýrir nú starfi Stúdentaráðs, hefur ætíð lagt áherslu á að velja fólk ekki eftir kyni, kynþætti, þjóðerni, kynhneigð, mökum eða öðrum fjölskylduhögum – hæfasti aðilinn skal ætíð verða fyrir valinu. Samræmist ofangreind ráðning þeirri stefnu fullkomlega. Einnig er vert að geta þess að Júlía og formaður SHÍ eru bundnar nánum fjölskylduböndum en eiginmaður Júlíu er náfrændi formanns SHÍ og uppeldisbróðir móður hennar. Sama hvort þeirra yrði ráðið, Jóhann eða Júlía, hefði því alltaf verið möguleiki á gagnrýni af hálfu minnihlutans vegna persónutengsla við formann SHÍ.

Vissulega er það hlutverk minnihluta SHÍ að gagnrýna og veita meirihlutanum aðhald. Ómakleg og ómálefnanleg gagnrýni verður þó að teljast tímasóun. Það er hagur stúdenta við Háskóla Íslands að hagsmunum þeirra sé unnið brautargengi á erfiðum tímum í þjóðfélaginu. Meirihluti stjórnar SHÍ telur yfirlýsingum Röskvu nú að fullu svarað og mun ekki eyða meiri tíma í ofangreint mál. Mikilvægt er að fylkingar Stúdentaráðs snúi bökum saman á þessum erfiðum tímum og vinni í sameiningu að bættum hag stúdenta.

F.h. meirihluta Stúdentaráðs Háskóla Íslands.
Ingólfur Birgir Sigurgeirsson
María Finnsdóttir
Aðalbjörg Ósk Gunnarsdóttir
Jens Fjalar Skaptason

Yfirlýsing frá formanni Stúdentaráðs Háskóla Íslands

Röskva hefur síðustu daga sent frá sér yfirlýsingar um nýlega ráðningu framkvæmdastjóra Stúdentaráðs Háskóla Íslands. Yfirlýsingarnar eru því miður svo uppfullar af röngum staðhæfingum og ómerkilegum málflutningi, sem nú hefur ratað í fjölmiðla, að óhjákvæmilegt er orðið að svara honum og leiðrétta með þessari yfirlýsingu.

Um stöðu framkvæmdastjóra SHÍ sóttu þrír einstaklingar. Meðal þeirra voru þau Jóhann Már Helgason og Júlía Þorvaldsdóttir, auk þriðja aðila sem skal vera ónefndur en sá aðili hefur kosið að opinbera ekki umsókn sína. Þó hefur komið fram að þessi þriðji aðili sótti um starfið á síðasta ári og var þá af fulltrúum Vöku talinn hæfasti aðilinn.

Í yfirlýsingum sínum hefur Röskva haldið því fram að ráðningu Jóhanns Más megi einvörðungu rekja til þess að hann sé kærasti undirritaðrar og að ekki hafi verið tekið mið af hæfi hans. Á sama tíma hefur Röskva lýst þeirri skoðun sinni að Júlía hafi verið hæfasti umsækjandinn til starfans, væntanlega með hennar samþykki. Þykir undirritaðri það miður og ómaklegt að ekki hafi komið fram í yfirlýsingum Röskvu að Júlía og undirrituð eru tengdar nánum fjölskylduböndum, en eiginmaður Júlíu er náfrændi undirritaðrar og uppeldisbróðir móður hennar.

Vegna ofangreindra tengsla undirritaðrar við þau bæði, Jóhann Má og Júlíu, sagði undirrituð sig strax alfarið frá ráðningarferlinu og kom hvergi nálægt því. Þetta vissu þau bæði Jóhann og Júlía. Þetta vita einnig þeir fulltrúar Röskvu sem nú halda því fram að ófagleg sjónarmið hafi verið höfð uppi við ráðningu í stöðuna. Undirrituð vissi sem var að yrði annað hvort þeirra, Jóhann eða Júlía, fyrir valinu sem framkvæmdastjóri SHÍ, myndi koma fram gagnrýni vegna persónutengsla. Í stað undirritaðrar í valnefndina, þ.e. stjórn SHÍ, kom því inn varamaður frá Vöku.

Hvað hæfisskilyrðin varðar er ekkert náttúrulögmál sem segir að sé einn umsækjandi hæfastur eitt árið sé hann einnig hæfastur ári seinna þegar aðrir umsækjendur hafa gefið sig fram, svo vísað sé í eina af yfirlýsingum Röskvu. Að þessu sinni var það einfaldlega mat þess meirihluta núverandi stjórnar SHÍ sem að valinu stóð að Jóhann Már Helgason væri hæfasti umsækjandinn um starfið. Við matið var að sjálfsögðu tekið tillit til þeirra hæfiskrafna sem fram komu í auglýsingu um starfið, enda er það í fullu samræmi við þau rök Vöku sem höfð voru frammi gegn ráðningu fráfarandi framkvæmdastjóra SHÍ fyrir ári síðan.

Það er sama hvort þeirra hefði verið ráðið, Jóhann eða Júlía, Röskva hefði líklega málað upp spillingarmynd og reynt að grafa undan trúverðugleika Stúdentaráðs. Það er sorglegt að sjá hvernig kjörnir fulltrúar stúdenta verja tíma sínum og tækifærum í minnihluta ráðsins. Undirrituð, formaður SHÍ, skorar nú á Röskvu að láta af ómálefnalegri og ómaklegri umfjöllun sinni um þetta mál og snúa sér þess í stað að því, með núverandi meirihluta SHÍ, að vinna málefnum stúdenta við Háskóla Íslands brautargengi. Það er verðugur málstaður öllum til sóma.

Hildur Björnsdóttir
Formaður Stúdentaráðs Háskóla Íslands.

Kjarasamningar í felubúningunum

Enn og aftur hefur verið samið um kjaramál stúdenta án nokkurra vitundar eða umræðu í samfélaginu. Við í minnihluta fjármálanefndar SHÍ fengum samningstilboð í hendurnar seinnipart dags og urðum að gefa álit okkar strax innan fárra klukkutíma. Þar sem þetta tilboð er töluvert lægra en þær kröfur sem við höfðum samþykkt á fundi innan fármálanefndar þá báðum við um að komið yrði með gagntilboð á grunnframfærsluna. Því var hafnað og tilboðið því samþykkt.

Inn í samningnum er líka talað um nefnd sem skoðaðar kosti og galla mánaðarlegra greiðslna námslána. Rökstuðningur meirihlutans við að taka þessu fyrsta tilboði var sá að þau héldu að það væri betra að samþykkja þetta tilboð en að ganga frá borði og fá eitthvað lélegt samningstilboð og missa þessa ótrúlega flottu nefnd sem á að fjalla um mánaðarlegar fyrirframgreiðslur.

Við í Vöku bendum hins vegar á að fyrir ári var verðbólga um 4% en er í dag um 12% og þýðir þetta raun-kjaralækkun fyrir stúdenta þar sem matarkarfan í dag er töluvert dýrari núna en fyrir ári og peningarnir okkar þar af leiðandi verðminni. Það kemur okkur á óvart ef fyrsta tilboð Lánasjóðsins sé það hæsta sem í boði var og þykir okkur þetta frekar furðulegar samningaviðræður. 

Þetta styður því miður minn grun um að þessir kjarasamningar stúdenta séu í raun ekki eins miklir kjarasamningar og talað er um, heldur sé þeim bara rétt tilboð sem þeim ber að samþykja. Þá hafa þeir samningar sem stúdentar fengu í fyrra ekki verið jafn mikill sigur þrotlausrar baráttu stúdenta heldur bara kosningagjöf ríkisstjórnarinnar svona rétt fyrir kosningar til stórs hluta kjósenda sem stúdentar eru.   

 

Aukinn sveigjanleiki í námslánum

Englandsmeistarar 2007 - 2008

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Tíundi titillinn hjá Ferguson

Fjörið hefst á morgun

Morgunblaðið kynnir fótboltann í sumar á 48 síðum

Ég bara nenni ekki meir.

Nú er bara eitt próf eftir og ég get bara ekki beðið eftir að komast í sumarfrí, allavega frá skólanum. Ég fer strax að vinna eftir próf í Toyota en það er nú bara frí miða við þessa törn sem maður er búinn að vera í þessar síðustu vikur.  Síðasta prófið er á miðvikudaginn og er óhætt að segja að það sé kannski ekki það sem maður þarf að læra mest fyrir en það er samt best að segja sem minnst um það þangað til maður er búinn með það. 

Palli kom upp í Öskju um daginn til okkar Kára þar sem við erum að læra til að sína okkur nýju vespuna sína og ég verð nú að segja að þetta er nú frekar sniðugt hjá honum. Þetta er möguleiki sem ég var ekki búinn að skoða en er búinn að ákveða að ef ég næ að selja bílinn minn þá fæ ég mér eina. Þetta er algjör snilld, fara á á þessu í vinnuna og skólann. Ég er búinn að finna eina og meira að segja athuga með tryggingar. Þá getum við Palli farið saman út að hjóla , stofnað  vespusamtök og barist fyrir bættu umferðaröryggi. Farið niður á torg um helgar, hitt aðra vespufélaga og staðið fyrir hópreið á fákunum.

Þegar maður er kominn með nóg af lærdómnum þá fer maður að gera ýmislegt sem maður gerir ekki nema í prófum. Í dag ákvað ég að sjá hvernig ég liti út ef ég væri persóna í Simpsons, veit ekki hvort þetta sé eitthvað líkt mér en ég er nú samt svolítið flottur er það ekki. 

Spá fyrir Landsbankadeild karla

Þjálfara og fyrirliðar spáðu í dag um lokastöðu Landsbankadeildar karla og kom fátt mér á óvart hjá þeim. Val er spáð titlinum og tel ég að það séu litlar líkur á að svo verði ekki. Þetta er bara einfaldlega langbesta liðið á Íslandi í dag.

Fallbaráttan á eftir að verða á milli þeirra liða sem komu upp í ár og HK sem rétt náðu að bjarga sér frá falli í fyrra en þá féll bara eitt lið vegna fjölgunar í deildinni.

Ég var búinn að spá í deildina og er mín spá alveg skuggalega lík þeirri spá sem var birt í dag. Ég ætla að halda mig við mína og sjá hvor hefur réttar fyrir sér.

Læt fylgja hérna mynd af íslandsmeisturum síðasta árs sem Kári vinur minn tók.

Hérna er samanburður á spánum. 

 

Mín spá		Þjálfarar og fyrirliðar
1. Valur		1. Valur 405
2. FH		2. FH 362
3. KR		3. KR 343
4. Breiðablik		4. ÍA 323
5. ÍA		5. Breiðablik 294
6. Fylkir		6. Fylkir 241
7. Keflavík		7. Fram 207
8. Fram		8. Keflavík 199
9. HK		9. HK 120
10. Þróttur		10. Þróttur R. 116
11. Fjölnir		11. Fjölnir 108
12. Grindavík		12. Grindavík 90

Ég minni svo á Tippbankadeildina en allar upplýsingar um hana má finna hérna neðar.

 

 

 

 

 

 

Val spáð sigri í Landsbankadeild karla

.