Kjarasamningar í felubúningunum

Enn og aftur hefur verið samið um kjaramál stúdenta án nokkurra vitundar eða umræðu í samfélaginu. Við í minnihluta fjármálanefndar SHÍ fengum samningstilboð í hendurnar seinnipart dags og urðum að gefa álit okkar strax innan fárra klukkutíma. Þar sem þetta tilboð er töluvert lægra en þær kröfur sem við höfðum samþykkt á fundi innan fármálanefndar þá báðum við um að komið yrði með gagntilboð á grunnframfærsluna. Því var hafnað og tilboðið því samþykkt.

Inn í samningnum er líka talað um nefnd sem skoðaðar kosti og galla mánaðarlegra greiðslna námslána. Rökstuðningur meirihlutans við að taka þessu fyrsta tilboði var sá að þau héldu að það væri betra að samþykkja þetta tilboð en að ganga frá borði og fá eitthvað lélegt samningstilboð og missa þessa ótrúlega flottu nefnd sem á að fjalla um mánaðarlegar fyrirframgreiðslur.

Við í Vöku bendum hins vegar á að fyrir ári var verðbólga um 4% en er í dag um 12% og þýðir þetta raun-kjaralækkun fyrir stúdenta þar sem matarkarfan í dag er töluvert dýrari núna en fyrir ári og peningarnir okkar þar af leiðandi verðminni. Það kemur okkur á óvart ef fyrsta tilboð Lánasjóðsins sé það hæsta sem í boði var og þykir okkur þetta frekar furðulegar samningaviðræður. 

Þetta styður því miður minn grun um að þessir kjarasamningar stúdenta séu í raun ekki eins miklir kjarasamningar og talað er um, heldur sé þeim bara rétt tilboð sem þeim ber að samþykja. Þá hafa þeir samningar sem stúdentar fengu í fyrra ekki verið jafn mikill sigur þrotlausrar baráttu stúdenta heldur bara kosningagjöf ríkisstjórnarinnar svona rétt fyrir kosningar til stórs hluta kjósenda sem stúdentar eru.   

 

Aukinn sveigjanleiki í námslánum

Englandsmeistarar 2007 - 2008

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Tíundi titillinn hjá Ferguson

Fjörið hefst á morgun

Morgunblaðið kynnir fótboltann í sumar á 48 síðum

Ég bara nenni ekki meir.

Nú er bara eitt próf eftir og ég get bara ekki beðið eftir að komast í sumarfrí, allavega frá skólanum. Ég fer strax að vinna eftir próf í Toyota en það er nú bara frí miða við þessa törn sem maður er búinn að vera í þessar síðustu vikur.  Síðasta prófið er á miðvikudaginn og er óhætt að segja að það sé kannski ekki það sem maður þarf að læra mest fyrir en það er samt best að segja sem minnst um það þangað til maður er búinn með það. 

Palli kom upp í Öskju um daginn til okkar Kára þar sem við erum að læra til að sína okkur nýju vespuna sína og ég verð nú að segja að þetta er nú frekar sniðugt hjá honum. Þetta er möguleiki sem ég var ekki búinn að skoða en er búinn að ákveða að ef ég næ að selja bílinn minn þá fæ ég mér eina. Þetta er algjör snilld, fara á á þessu í vinnuna og skólann. Ég er búinn að finna eina og meira að segja athuga með tryggingar. Þá getum við Palli farið saman út að hjóla , stofnað  vespusamtök og barist fyrir bættu umferðaröryggi. Farið niður á torg um helgar, hitt aðra vespufélaga og staðið fyrir hópreið á fákunum.

Þegar maður er kominn með nóg af lærdómnum þá fer maður að gera ýmislegt sem maður gerir ekki nema í prófum. Í dag ákvað ég að sjá hvernig ég liti út ef ég væri persóna í Simpsons, veit ekki hvort þetta sé eitthvað líkt mér en ég er nú samt svolítið flottur er það ekki. 

Spá fyrir Landsbankadeild karla

Þjálfara og fyrirliðar spáðu í dag um lokastöðu Landsbankadeildar karla og kom fátt mér á óvart hjá þeim. Val er spáð titlinum og tel ég að það séu litlar líkur á að svo verði ekki. Þetta er bara einfaldlega langbesta liðið á Íslandi í dag.

Fallbaráttan á eftir að verða á milli þeirra liða sem komu upp í ár og HK sem rétt náðu að bjarga sér frá falli í fyrra en þá féll bara eitt lið vegna fjölgunar í deildinni.

Ég var búinn að spá í deildina og er mín spá alveg skuggalega lík þeirri spá sem var birt í dag. Ég ætla að halda mig við mína og sjá hvor hefur réttar fyrir sér.

Læt fylgja hérna mynd af íslandsmeisturum síðasta árs sem Kári vinur minn tók.

Hérna er samanburður á spánum. 

 

Mín spá		Þjálfarar og fyrirliðar
1. Valur		1. Valur 405
2. FH		2. FH 362
3. KR		3. KR 343
4. Breiðablik		4. ÍA 323
5. ÍA		5. Breiðablik 294
6. Fylkir		6. Fylkir 241
7. Keflavík		7. Fram 207
8. Fram		8. Keflavík 199
9. HK		9. HK 120
10. Þróttur		10. Þróttur R. 116
11. Fjölnir		11. Fjölnir 108
12. Grindavík		12. Grindavík 90

Ég minni svo á Tippbankadeildina en allar upplýsingar um hana má finna hérna neðar.

 

 

 

 

 

 

Val spáð sigri í Landsbankadeild karla

.

Tippbankadeildin

Þá fer boltinn að rúlla hérna heima og eru margir orðnir spenntir fyrir sumrinu. Sú breyting verður á Landsbankadeild karla í sumar að nú eru 12 lið í deildinni í stað 10 og því spilaðar 22 umferðir. Þar sem útlit er fyrir að spennan verði í algleymingi í sumar höfum við ákveðið að stofna Tippbanka og setja á laggirnar Tippbankadeild. Leikurinn er nokkuð einfaldur þar sem aðeins einu sinni er tippað og svo er bara að fylgjast með í sumar og vona það besta.

Leikreglur eru að þátttakendur fylla út meðfylgjandi skjal með spá sinni um deildina og ýmsa tölfræði. Einnig þarf að koma fram á skjalinu nafn liðsins sem skráir sig til keppni ásamt réttu nafni þátttakanda. Það kostar 2000 kr að vera með og fer sá peningur í vinningspott, greitt er inn á reikning 0111-05-271476 kt. 040982-4189.  

Stigagjöf er eftirfarandi..

1. Hálfnuð deild (11 umferðir) (1 stig fyrir rétt lið í sæti)

2. lokastaða í deild (1 stig fyrir rétt lið í sæti)

3. 3 markahæstu (3 stig fyrir réttan mann í sæti, 1stig fyrir að vera í vitlausu sæti í topp 3 )

4. Liðið sem fær fæst mörkin á sig (3 stig)

5. Lið sem skorar flest (3stig)

6. Lið sem fær flest mörk á sig (3 stig)

7. Lið sem skorar fæst mörk (3 stig)

8. Hverjir koma upp úr 1. deild (1 stig á lið)

Eftir lokaumferð fær sá sem er með flest stig allan pottinn. Ef tveir keppendur eða fleiri eru með jafn mörg stig deilist fjárhæðinn jafnt á þá. Til að vera með þarf að senda skjalið útfyllt á [e-mail] einnig þarf að senda greiðslukvittun þegar búið er að borga á sama mail. Þurfa þessi mail að vera kominn áður en flautað er til leiks í fyrstu umferð laugardaginn 10. maí kl. 14:00. Þeir sem eru ekki búnir að borga eða senda sína spá fyrir þennan tíma fá ekki inngöngu.

Í mailinu sjálfu þarf einnig að koma fram fullt nafn þátttakenda, kennitala og sími. Aldurstakmark er 18 ár.

Hugmyndin er síðan að setja af stað síðu þar sem hægt er að fylgjast með gangi mála í keppninni. Það gefur augaleið að eftir því sem fleiri skrá sig verða verðlaunin veglegri svo það er um að gera að vera með og fá vinina með.

Góða skemmtun og gleðilegt fótboltasumar

Ingólfur og Atli Bankastjórar

Valur sigraði í Meistarakeppni KSÍ

Skrár tengdar þessari bloggfærslu:

• tippbankadeildin_0.xls

Myndband af glæsimarki Stefáns Gíslasonar

Stefán Gíslason skoraði glæsilegt mark fyrir Bröndby í dönsku úrvalsdeildinni í dag. Þetta er alveg án efa flottasta mark tímabilsins í Danmörku og þótt víðar væri leitað.

Hérna er myndband af markinu glæsilega.

 

 

Glæsileg tilþrif Stefáns Gíslasonar

Simpsons Voices

Skemmtilegt atvik úr leiknum í gær

Benítez: Stoltur af mínu liði